ഖാലിദ് റഹ്മാന്‍ സംവിധാനം ചെയ്യുന്ന ‘തല്ലുമാല’യുടെ സിനിമ സെറ്റില്‍ സംഘര്‍ഷം. കളമശ്ശേരി എച്ച്എംടി റോഡിലാണ് സംഭവം. റോഡില്‍ മാലിന്യം നിക്ഷേപിക്കുന്നതും, പൊതുനിരത്തില്‍ വാഹനം പാര്‍ക്ക് ചെയ്യുന്നതുമായ പ്രശ്‌നം നാട്ടുകാര്‍ ചോദ്യം ചെയ്തതോടെയാണ് പ്രശ്‌നങ്ങള്‍ക്ക് വഴിവെച്ചത്.
ഇതുമായി സംബന്ധിച്ച വാക്കുതര്‍ക്കത്തിനിടെ നടന്‍ ഷൈന്‍ ടോം ചാക്കോ നാട്ടുകാരനെ തള്ളി എന്ന ആരോപണമാണ് സംഘര്‍ഷത്തില്‍ കലാശിച്ചത്. പരിക്കേറ്റ നാട്ടുകാരന്‍ ആശുപത്രിയിലാണ്.
എന്നാല്‍ സംഭവത്തില്‍ നാട്ടുകാരാണ് പ്രശ്‌നമുണ്ടാക്കിയത് എന്നാണ് അണിയറ പ്രവര്‍ത്തകര്‍ പറയുന്നത്. സംഭവസ്ഥലം പോലീസെത്തിയാണ് ശാന്തമാക്കിയത്.
ടോവിനോ തോമസ് നായകനാകുന്ന ‘തല്ലുമാല’ എന്ന ഈ ചിത്രം ഖാലിദ് റഹ്മനാണ് സംവിധാനം ചെയ്യുന്നത്. ആഷിഖ് ഉസ്മാനാണ് പടം നിര്‍മ്മിക്കുന്നത്. മുഹ്‌സിന്‍ പരാരിയും അശ്‌റഫ് ഹംസയും ചേര്‍ന്നാണ് തിരക്കഥ.
ലുക്ക്മാന്‍, ചെമ്പന്‍ വിനോദ് തുടങ്ങി നിരവധി മുന്‍ നിര നായകന്മാരും ചിത്രത്തില്‍ അണിനിരക്കുന്നുണ്ട്.കല്യാണി പ്രിയദര്‍ശന്‍ ആണ് നായിക.