വിവാഹവാഗ്ദാനം നല്‍കി പീഡിപ്പിച്ചെന്ന യുവതിയുടെ പരാതിയില്‍ അറസ്റ്റിലായ നടനും മോഡലുമായ ഷിയാസ് കരീമിന്റെ അറസ്റ്റ് രേഖപ്പെടുത്തി. വൈദ്യ പരിശോധനയ്ക്ക് ശേഷം ഇദ്ദേഹത്തെ ഹോസ്ദുര്‍ഗ് കോടതിയില്‍ ഹാജരാക്കും. ഇന്ന് രാവിലെയാണ് ചന്തേര പൊലീസ് സ്റ്റേഷനില്‍ ഇദ്ദേഹത്തെ എത്തിച്ചത്.
കഴിഞ്ഞ ദിവസമാണ് ചെന്നൈ വിമാനത്താവളത്തില്‍ നിന്ന് ഷിയാസിനെ പോലീസ് പിടികൂടിയത്. തുടര്‍ന്ന് ഇടക്കാല ജാമ്യം ഇദ്ദേഹം നേടിയിരുന്നു.
ജിമ്മില്‍ ട്രെയിനര്‍ ആയിരുന്ന യുവതിയുടെ പരാതിയിലാണ് പൊലീസ് കേസെടുത്തിരിക്കുന്നത്. പണം തട്ടിയെടുത്തൊന്നും കയ്യേറ്റം ചെയ്തുവെന്നും പരാതിയില്‍ പറയുന്നു.