കെ.ടി അജ്മല്‍ പാണ്ടിക്കാട്‌
മതങ്ങളെ സംബന്ധിച്ച മാര്‍ക്‌സിസ്റ്റ് വീക്ഷണം, കറുപ്പ് ലഹരി നല്‍കുന്നത് പോലെ അത് മനുഷ്യ ഹൃദയങ്ങള്‍ക്ക് ആശ്വാസമേകുന്നു എന്നതാണ്. എന്നാല്‍, മാര്‍ക്‌സിസം അംഗീകരിക്കുന്നവര്‍ പിന്നെ ഏതെങ്കിലും മതത്തില്‍ വിശ്വസിക്കുന്നതിനെ പ്രോത്സാഹിപ്പിക്കപ്പെടുന്നില്ല. എല്ലാ മതങ്ങളെയും നിരസിക്കുന്ന യുക്തി ചിന്തകളാണ് കമ്മ്യൂണിസത്തിന്റെയും മാര്‍ക്‌സിസത്തിന്റെയും അടിസ്ഥാനം. അടിസ്ഥാനപരമായി കമ്മ്യൂണിസ്റ്റുകള്‍ ദൈവവിശ്വാസികളല്ല, മറിച്ച് നിഷേധികളാണ്. മാര്‍ക്‌സും ഏംഗല്‍സും മുതല്‍ കേരളത്തിലെ കമ്മ്യൂണിസ്റ്റ് നേതാക്കള്‍ വരെ അതു സുതരാം വ്യക്തമാക്കിയതാണ്. ‘കമ്മ്യൂണിസം ആരംഭിക്കുന്നിടത്ത് നിരീശ്വരത്വവും ആരംഭിക്കുന്നു’വെന്നാണ് മാര്‍ക്‌സിന്റെ വീക്ഷണം.
ലിബറല്‍ ധാര്‍മികതയാണ് കമ്മ്യൂണിസത്തിന്റെ ആശയം. സ്വതന്ത്ര ലൈംഗികതയെ വരെ അവര്‍ പ്രോത്സാഹിപ്പിക്കുന്നു. ഇക്കഴിഞ്ഞ മെയ് ഏഴിനു കമ്മ്യൂണിസ്റ്റ് വിദ്യാര്‍ഥി സംഘടന ‘അന്തര്‍ദേശീയ സ്വയംഭോഗ ദിനം’ സജീവമായി ആചരിച്ചത് ഇതിന്റെ ഒടുവിലത്തെ ഉദാഹരണമാണ്. മാന്യതയുള്ളവര്‍ പറയാന്‍പോലും താല്‍പര്യപ്പെടാത്ത കാര്യങ്ങള്‍ പൊതുഇടങ്ങളില്‍ ആഘോഷിക്കാന്‍ മടിയില്ലാത്തവിധം ഇവരുടെ മനസിനെ വികൃതമാക്കിയത് ഇത്തരം ലിബറല്‍ കാഴ്ചപ്പാടുകളാണ്. മനുഷ്യന്‍ മതങ്ങളില്‍നിന്നും മുക്തമായാലേ അവന്‍ സ്വതന്ത്രനാണ് എന്ന് പറയാനാവൂവെന്ന് സിദ്ധാന്തിക്കുകയാണ് കമ്മ്യൂണിസം ചെയ്യുന്നത്. മോഹനവാഗ്ദാനങ്ങള്‍ നല്‍കി മുസ്‌ലിംകളെ സമരത്തില്‍ പങ്കെപ്പിക്കുകയും വിജയത്തിനു ശേഷം മതത്തിന്റെ പേരില്‍ മതവിശ്വാസിയെ കണ്ണീരു കുടിപ്പിക്കുകയും ചെയ്ത കഥയാണ് കമ്മ്യൂണിസ്റ്റ് ഭരണ പ്രദേശങ്ങള്‍ക്ക് അയവിറക്കാനുള്ളത്. ഇസ്‌ലാം നിഷ്‌കര്‍ഷിക്കുന്ന തത്വങ്ങള്‍ക്കും മൂല്യങ്ങള്‍ക്കും ഒരു വിലയും കല്‍പിക്കാത്തതാണ് കമ്മ്യൂണിസത്തിന്റെ സര്‍വതത്വങ്ങളും. രാഷ്ട്ര വികസനത്തിനായി അവര്‍ നിരവധി മതവിശ്വാസികളെ കൊന്നൊടുക്കുകയും ആരാധനാലയങ്ങള്‍ തകര്‍ത്തെറിയും ചെയ്തു.
കമ്മ്യൂണിസത്തിന്റെ ഉത്ഭവം തന്നെ ധാര്‍മ്മിക സിദ്ധാന്തങ്ങളോടുള്ള വിരോധത്തിലധിഷ്ഠിതമാണ്. അതിന്റെ സ്ഥാപക നേതാക്കളുടെ പ്രസ്താവനകളും ആധികാരിക ഗ്രന്ഥങ്ങളും അത് വ്യക്തമാക്കുന്നു. ഭൗതികവാദത്തിലധിഷ്ഠിതമായ മാര്‍ക്‌സിസ്റ്റ് ദര്‍ശനം അടിസ്ഥാനപരമായി മതത്തെയോ ദൈവത്തെയോ അംഗീകരിക്കുന്നില്ല. പ്രപഞ്ചാതീതനായ ഒരു ശക്തിയെയോ മരണാനന്തര ജീവിതമോ വിഭാവനം ചെയ്യാനാവില്ലയെന്നാണ് അവരുടെ ഉറച്ച വിശ്വാസം. യുക്തിവാദികളുടെ അതേ നയങ്ങള്‍ തന്നെയാണ് മാര്‍ക്‌സിസ്റ്റുകളും പിന്തുടരുന്നത്. യുക്തിവാദത്തെ മൗലികമായി മാര്‍ക്‌സിസ്റ്റുകള്‍ ഇതുവരെ തള്ളി പറഞ്ഞിട്ടില്ലയെന്നതാണ് യാഥാര്‍ത്ഥ്യം. ഇ.എം.എസ് എഴുതിയത് നോക്കൂ. ‘സോഷ്യലിസ്റ്റ് വിപ്ലവത്തിനു വേണ്ടിയുള്ള സമരം വിജയിപ്പിക്കുന്നതിനു ജാതിമതാദി സാമൂഹിക വ്യവസ്ഥകള്‍ക്കും അവയുടെതായ ആശയശക്തികള്‍ക്കും എതിരായി രൂക്ഷമായ സമരം നടത്തേണ്ടതുണ്ട്. അക്കാര്യത്തില്‍ ഇടമുറുക് പ്രതിനിധാനം ചെയ്യുന്ന യുക്തിവാദികളും മാര്‍ക്‌സിസ്റ്റുകളും തമ്മില്‍ സഹകരിക്കാനുള്ള സാധ്യതയുണ്ട്. മാര്‍ക്‌സിസ്റ്റുകളും സമരോത്സുകരായ ഭൗതികവാദികളും തമ്മില്‍ ഐക്യമുന്നണി എന്ന ആശയം ലെനിന്റെതാണ്’ (ഇ.എം.എസ്: ചിന്ത വാരിക, 29 ജൂലൈ 1983). ഇതിനര്‍ത്ഥം, ഒരാള്‍ മാര്‍ക്‌സിസ്റ്റായാല്‍ അയാള്‍ ക്രമേണ നിരീശ്വരവാദത്തിലെക്കോ യുക്തിവാദത്തിലേക്കോ എത്തിപ്പെടും എന്നതാണ്. 1986 ല്‍ ഇ.എം.എസ് നമ്പൂതിരിപ്പാട് ശരീഅത്തിനെതിരെ നടത്തിയ കടന്നാക്രമണം ഓര്‍ക്കണം. ഇസ്‌ലാമിക ശരീഅത്തിനെതിരെയും മുസ്‌ലിം സമുദായത്തിനെതിരെയും അന്നവര്‍ നടത്തിയ ദുഷ്പ്രചാരണങ്ങളെ മുസ്‌ലിംകള്‍ ശക്തമായി ചെറുത്തു. അവസാനം താന്‍ ശരീഅത്തിനെക്കുറിച്ചു ആഴത്തില്‍ പഠിച്ചിട്ടില്ലെന്നു തുറന്നു സമ്മതിച്ചു ഇ.എം.എസ് പിന്മാറിയെങ്കിലും മതങ്ങളോടുള്ള അവരുടെ വിരോധം കൂടുതല്‍ പ്രകടമായ സന്ദര്‍ഭമായിരുന്നു അത്.
വിശുദ്ധ ഇസ്‌ലാമിനെ തകര്‍ക്കാന്‍ എക്കാലത്തും മുന്നോട്ടുവന്നിരുന്ന ജൂതന്മാര്‍ തന്നെയാണ് കമ്മ്യൂണിസത്തിനും സഹായകമായതൊക്കെ ചെയ്തു കൊടുത്തത്. കമ്മ്യൂണിസ്റ്റ് തിയറി ആവിഷ്‌കരിച്ചത് തന്നെ ജൂതനായ മാര്‍ക്‌സ് ആയിരുന്നു. റഷ്യയില്‍ പ്രസ്തുത തിയറി അവതരിപ്പിക്കാനും പ്രചരിപ്പിക്കാനും കഴിഞ്ഞതും ജൂത സഹായത്തോടെ തന്നെയായിരുന്നു. വിപ്ലവാനന്തരം സോവിയറ്റ് റഷ്യയില്‍ രൂപീകൃതമായ പ്രഥമ കമ്മ്യൂണിസ്റ്റ് ഗവണ്‍മെന്റിന്റെ വിപ്ലവ കൗണ്‍സിലിലെ പത്തു മെമ്പര്‍മാരില്‍ എട്ടുപേരും ജൂതന്മാരായിരുന്നു. 388 അംഗങ്ങളുള്ള ഉള്ള കേന്ദ്രസമിതിയി 371 പേരും ജൂതന്മാരായിരുന്നു. സോഷ്യലിസ്റ്റ് റിപ്പബ്ലിക്കിന്റെ ആദ്യത്തെയും രണ്ടാമത്തെയും പ്രസിഡണ്ടായിരുന്ന കാസിനോവും, സഫര്‍ ദുലോക്കും മൂന്നാം പ്രസിഡണ്ടായിരുന്ന സിഹോമോവും ജൂതന്മാരായിരുന്നു. സ്റ്റാലിന്റെ ഭരണകാലത്ത് 17 അംഗങ്ങള്‍ ഉള്‍ക്കൊള്ളുന്നതായിരുന്നു റഷ്യന്‍ മന്ത്രിസഭ. അവരില്‍ 14 പേരും ജൂതരായിരുന്നു. സ്റ്റാലില്‍ ജൂതനായിരുന്നില്ലെങ്കിലും അയാളുടെ ഭാര്യ ജൂതയായിരുന്നു. ജൂതരുടെ ദേശീയ ചിഹ്നമായ പാമ്പും ആറു നക്ഷത്രങ്ങളും തന്നെയാണ് വിപ്ലവ കാത്ത് ബേള്‍ഷെവിക്കുകളും ഉപയോഗിച്ചത്. ഇങ്ങനെ ഒരു നാണയത്തിന്റെ ഇരുവശങ്ങളായിരുന്നു സയണിസവും കമ്മ്യൂണിസവും.
ആധിപത്യം കിട്ടിയപ്പോഴൊക്കെ ഖുര്‍ആന്‍ നിരോധിക്കാനും പള്ളികള്‍ അടച്ചുപൂട്ടാനും ഖുര്‍ആന്റെ അനുയായികളെ ഉന്മൂലനം ചെയ്യാനുമാണ് കമ്മ്യൂണിസം ശ്രമിച്ചിട്ടുള്ളത്. 1922 ല്‍ സോവിയറ്റ് റഷ്യ രൂപം കൊള്ളുമ്പോള്‍ 26000 മുസ്‌ലിം പള്ളികള്‍ അവിടെ ഉണ്ടായിരുന്നുവെങ്കില്‍ 1941 ആയപ്പോഴേക്ക് കേവലം ആയിരമായി അത് ചുരുങ്ങി. ഖുര്‍ആന്റെ അനേകായിരം കോപ്പികള്‍ ചുട്ടെരിക്കപ്പെട്ടു. ഇസ്‌ലാം നിരോധിക്കപ്പെട്ടു. നിരീശ്വരത്വം ഔദ്യോഗിക മതമായി പ്രഖ്യാപിച്ച രാജ്യത്ത് പിന്നീട് ഇസ്‌ലാമിക ആചാരങ്ങള്‍ നിര്‍വഹിക്കുന്നത് പോലും തടയപ്പെട്ടു. മദ്രസകള്‍ മുഴുവന്‍ അടച്ചുപൂട്ടി. സോവിയറ്റ് യൂണിയന്റെ മാത്രം അവസ്ഥയായിരുന്നില്ല ഇത്. മാവോ സെതുങിന്റെ കാര്‍മികത്വത്തില്‍ ചൈനീസ് സാംസ്‌കാരിക വിപ്ലവത്തിന്റെ ഭാഗമായി രൂപംകൊണ്ട ‘റെഡ് ഗാര്‍ഡ്‌സ്’ തകര്‍ത്ത പള്ളികളുടെയും നശിപ്പിച്ച മുസ്ഹഫുകളുടെയും എണ്ണം കണക്കില്ലാത്തതാണ്. ഖുര്‍ആന്‍ മാനവിക വിരുദ്ധ ഗ്രന്ഥമാണെന്നും തീവ്രവാദത്തിനും ഭീകരവാദത്തിനും ചൂട്ടുപിടിക്കുന്ന സംഹിതയാണെന്നുമെല്ലാം തെറ്റിദ്ധരിപ്പിച്ചുകൊണ്ടായിരുന്നു കമ്മ്യൂണിസം കഴിഞ്ഞ ദശകങ്ങളില്‍ പ്രവര്‍ത്തിച്ചിരുന്നത്.
സാര്‍ ചക്രവര്‍ത്തിമാരുടെ കൊട്ടാരത്തില്‍ സൂക്ഷിച്ചിരുന്ന ഉസ്മാന്‍ (റ)ന്റെ രക്തംപുരണ്ട ഖുര്‍ആന്‍ പിടിച്ചെടുത്ത് നിങ്ങളുടെ കൈവശം തിരിച്ചേല്‍പിക്കാമെന്നായിരുന്നു മുസ്‌ലിംകള്‍ക്ക് നല്‍കിയ വാഗ്ദാനം. ഇതുകേട്ട മുസ്‌ലിംകള്‍ കമ്മ്യൂണിസ്റ്റുകളോട് സഖ്യം ചേര്‍ന്നു. വിപ്ലവം വിജയിച്ചതോടെ മുസ്‌ലിംകളെ തിരസ്‌കരിക്കുകായിരുന്നു കമ്മ്യൂണിസ്റ്റുകാര്‍. വിശുദ്ധഗ്രന്ഥത്തെയും ആരാധനാലയങ്ങളെയും തമസ്‌കരിക്കുകയും അപഹരിക്കപ്പെടുകയും ഇസ്‌ലാമിക സാംസ്‌കാരിക കേന്ദ്രങ്ങളെ പാഴ് വസ്തുക്കളാക്കി മാറ്റുകയും ചെയ്തു. 1917ലെ ബോള്‍ഷെവിക്ക് വിപ്ലവം മുതല്‍ ഇക്കാലയളവിലായി 143 മില്യണിലധികം ആളുകളെ കമ്മ്യൂണിസ്റ്റുകാര്‍ നിഷ്ഠൂരമായി കൊലചെയ്തിട്ടുണ്ടെന്നാണ് രേഖകള്‍ പറയുന്നത്.