ദുബൈ: മുൻ മുഖ്യമന്ത്രിയും മുസ്ലിം ലീഗ് നേതാവുമായിരുന്ന സി.എച്ച് മുഹമ്മദ് കോയ യുടെ നാൽപ്പതാം ചരമ വാർഷികത്തോടുബന്ധിച്ച് സി എച്ച് ഫൗണ്ടേഷന്റെ ആഭിമുഖ്യത്തിൽ ദുബൈയിൽ നടക്കുന്ന അനുസ്മരണ സമ്മേളനത്തിന്റെ ലോഗോ പ്രകാശനം മുസ്ലിം ലീഗ് സംസ്ഥാന പ്രസിഡന്റ് പാണക്കാട് സയ്യിദ് സാദിഖ്അലി ശിഹാബ് തങ്ങൾ, ശംസുദ്ധീൻ ബിൻ മുഹിയദ്ധീന് നൽകി നിർവ്വഹിച്ചു.
“റിഫ്ലക്ഷൻസ് ഓൺ സി.എച്ച് – എ കോമെമ്മറേഷൻ” എന്ന പേരിൽ നവംബർ 12 നു ദുബൈൽ നടക്കും. ഇന്ത്യയിലെയും വിദേശങ്ങളിലെയും ഭരണ നേതൃത്വത്തിൽ ഉള്ളവർ സാമൂഹ്യ,സാംസ്കാരിക,രാഷ്ട്രീയ,ബിസിനസ്സ് രംഗത്തെ പ്രമുഖർ സംബന്ധിക്കും.
ലോഗോ പ്രകാശന ചടങ്ങിൽ കുഞ്ഞമ്മദ്‌ പേരാംബ്ര,സെമീർ മഹമൂദ്‌ മനാസ്‌, ഫിറോസ്‌ അബ്ദുള്ള, അബ്ദുള നൂറുദ്ദീൻ,ഒ കെ സലാം,ജെസീൽ കായണ,നെബീൽ അബ്ദുള്ള,ഷിയാസ്‌ എന്നിവർ പങ്കെടുത്തു.