ദുബൈയില്‍ വിവിധ തൊഴില്‍ വിഭാഗങ്ങളിലുള്ള മലയാളികളടക്കമുള്ള പ്രവാസികള്‍ക്ക് വാഹനനോടിക്കുന്നതിന് നിയന്ത്രണമേര്‍പ്പെടുത്താന്‍ ആലോചിക്കുന്നതായി റിപ്പോര്‍ട്ട്. െ്രെഡവിങ് ലൈസന്‍സ് നല്‍കുന്നത് വിലക്കാനാണ് അധികാരികള്‍ ആലോചിക്കുന്നത്. റോഡിലെ തിരക്ക് കുറക്കുന്നതിന് ഇതടക്കം വിവിധ നിര്‍ദ്ദേശങ്ങള്‍ പരിഗണനയിലാണെന്ന് റോഡ് ട്രാന്‍സ്‌പോര്‍ട്ട് അതോറിറ്റി സൂചന നല്‍കി
ദുബൈയിലെ റോഡുകളില്‍ അനുഭവപ്പെടുന്ന കടുത്ത ഗതാഗതകുരുക്ക് കുറക്കാനുള്ള നടപടികളുടെ ഭാഗമായാണ് ആര്‍ ടി എ പ്രവാസികളിലെ ചില തൊഴില്‍വിഭാഗങ്ങള്‍ക്ക് െ്രെഡവിങ് ലൈസന്‍സ് നല്‍കുന്നത് ഒഴിവാക്കാന്‍ ആലോചിക്കുന്നത്.പ്രവര്‍ത്തി ദിവസങ്ങളില്‍ ഈ തിരക്ക് അധികമാണ്. ഇതോടൊപ്പം പഴയ വാഹനങ്ങളുടെ രജിസ്‌ട്രേഷന്‍ നിയന്ത്രിക്കാനും ഭരണകൂടം ആലോചിക്കുന്നുണ്ട്.അതേസമയം, പരിസ്ഥിതി സൗഹൃദവാഹനങ്ങളുടെ ഉപയോഗം പ്രോല്‍സാഹിപ്പിക്കും. ഇലക്ട്രിക്ക് വാഹനങ്ങള്‍ക്ക് ആനുകൂല്യം നല്‍കുന്ന കാര്യം ഫെഡറല്‍ സര്‍ക്കാര്‍ തലത്തില്‍ തന്നെ ആലോചിക്കുന്നുണ്ട്. ഇതോടൊപ്പം ഓഫിസ് സമയം, സ്‌കൂള്‍ സമയം എന്നിവ മാറ്റുന്നതിനെ കുറിച്ചും ചര്‍ച്ച ചെയ്യുന്നുണ്ട്. ഒരു അറബ് ദിനപത്രത്തിന് അയച്ച കുറിപ്പിലാണ് ആര്‍ ടി എ ഇക്കാര്യം അറിയിച്ചത്.