ഏഴ് വയസുകാരന് മുമ്പില്‍ പത്തി വിടര്‍ത്തി നിന്നു, പിന്നാലെ ഇഴഞ്ഞ മൂര്‍ഖന്‍ പാമ്പിനെ പിടികൂടി. വനം വകുപ്പ് ആര്‍ആര്‍ടി അംഗം രോഷ്‌നി എത്തിയാണ് മൂര്‍ഖനെ പിടികൂടിയത്.
തിങ്കളാഴ്ച ഉച്ചയ്ക്ക് ആര്യനാടാണ് സംഭവം. രാജന്‍ എന്നയാളുടെ വീട്ടിലാണ് മൂര്‍ഖന്‍ എത്തിയത്. വീടിന് മുമ്പില്‍ കളിക്കുകയായിരുന്ന കുട്ടിക്ക് മുന്നിലേക്കാണ് പാമ്പ് ഇഴഞ്ഞെത്തിയത്.
പത്തി വിടര്‍ത്തി നില്‍ക്കുന്നത് കണ്ട കുട്ടി പേടിച്ച് വീട്ടിലേക്ക് ഓടിക്കയറി. പിന്നാലെ ഇഴഞ്ഞ മൂര്‍ഖന്‍ വീടിന്റെ പടിക്കെട്ടില്‍ പതുങ്ങി. വീട്ടുകാര്‍ ഉടന്‍ തന്നെ വനം വകുപ്പില്‍ സംഭവം അറിയിച്ചു.
ഉടന്‍ തന്നെ ആര്‍ആര്‍ടി അംഗവും ബീറ്റ് ഫോറസ്റ്റ് ഓഫീസറുമായ രോഷ്‌നി സ്ഥലത്തെത്തി പാമ്പിനെ പിടികൂടുകയായിരുന്നു. മൂര്‍ഖനെ പരുത്തിപള്ളി വനം വകുപ്പ് ആസ്ഥാനത്തേക്ക് എത്തിച്ചു.