ക്ലാസില്‍ എഴുന്നേറ്റു നിന്നതിന് ഒമ്പതാം ക്ലാസ് വിദ്യാര്‍ത്ഥിയെ അധ്യാപകന്‍ ക്രൂരമായി മര്‍ദ്ദിച്ചതായി പരാതി. കോഴിക്കോട് കൊടിയത്തൂര്‍ പിടി എം എച്ച് സ്‌കൂളിലാണ് സംഭവം. ഒമ്പതാം ക്ലാസ് വിദ്യാര്‍ത്ഥി മാഹിനാണ് മര്‍ദ്ദനമേറ്റത്.
സ്‌കൂളിലെ അറബി അധ്യാപകന്‍ കമറുദ്ദീന്‍ ആണ് മര്‍ദ്ദിച്ചതെന്ന് കുട്ടി പറയുന്നു. രക്ഷിതാക്കളുടെ പരാതിയില്‍ അധ്യാപകന്‍ കമറുദിനെതിരെ മുക്കം പോലീസ് കേസെടുത്തു.
ക്ലാസില്‍ എഴുന്നേറ്റ് നിന്നെന്നാരോപിച്ചായിരുന്നു മര്‍ദ്ദനം. മാഹിന്റെ ക്ലാസ് അധ്യാപകനല്ല കമറുദ്ദീന്‍. വരാന്തയില്‍ കൂടെ പോവുകയായിരുന്ന കമറുദ്ദീന്‍ ക്ലാസില്‍ കയറി മാഹിനെ മര്‍ദ്ദിക്കുകയായിരുന്നു. കുട്ടിയുടെ ഷോള്‍ഡര്‍ ഭാഗത്തേറ്റ നിരന്തര മര്‍ദ്ദനത്തെ തുടര്‍ന്ന് പേശികളില്‍ ചതവുണ്ടായി. കുട്ടിക്ക് കൈയില്‍ പൊട്ടലില്ലെന്നാണ് വിവരം.