കോഴിക്കോട് റെയില്‍വേ സ്റ്റേഷന് സമീപത്ത് വെച്ച് നടന്ന സംഘര്‍ഷത്തില്‍ യുവാവ് മരിച്ചു. കോഴിക്കോട് പാറോപ്പടിയില്‍ നിന്നുള്ള ഫൈസലാണ് മരിച്ചത്. കത്തി കൊണ്ട് ആഴത്തില്‍ മുറിവേറ്റതിനെ തുടര്‍ന്നാണ് മരണം. ഫൈസലിനെ കുത്തിയ ഷാനവാസിനെ റെയില്‍വേ സ്‌റ്റേഷന്റെ മൂന്നാമത്തെ പ്ലാറ്റ്‌ഫോമില്‍ നിന്നും നാട്ടുകാര്‍ പിടികൂടുകയും പൊലീസിന് കൈമാറുകയും ചെയ്തിരുന്നു. മദ്യലഹരിയില്‍ നടന്ന തര്‍ക്കമാണ് സംഘര്‍ഷത്തിലേക്ക് നയിച്ചത്. കേസെടുത്ത പോലീസ് അന്വേഷണം ആരംഭിച്ചു. ഇന്നലെ രാത്രി റെയില്‍വേ സ്‌റ്റേഷനടുത്തുള്ള ലിങ്ക് റോഡില്‍ വെച്ചാണ് സംഭവം നടന്നത്.