ആറാട്ടുപുഴ: വലിയഴീക്കലില്‍ പുതുവത്സര ആഘോഷത്തിനിടെയുണ്ടായ സംഘര്‍ഷത്തില്‍ കോണ്‍ഗ്രസ് പ്രവര്‍ത്തനു പരിക്കേറ്റു. കോണ്‍ഗ്രസ് 138ാം നമ്പര്‍ ബൂത്ത് പ്രസിഡന്റ് വലിയഴീക്കല്‍ ഇടയിലെ വീട്ടില്‍ സുനു അരവിന്ദനാ(36)ണ് പരിക്കേറ്റത്. ശനിയാഴ്ച രാത്രി രണ്ടരയോടെ വലിയഴീക്കല്‍ ബീച്ചിനു സമീപം സംഘം ചേര്‍ന്നു നിന്നവരോട് പൊലീസ് പിരിഞ്ഞു പോകണമെന്നാവശ്യപ്പെട്ടു. ഇതിനിടെ രണ്ടു വിഭാഗങ്ങള്‍ തമ്മിലുണ്ടായ സംഘര്‍ഷത്തിലാണ് കോണ്‍ഗ്രസ് പ്രവര്‍ത്തകന് പരിക്കേറ്റത്.
വലതു കൈക്കു മുറിവേറ്റ ഇയാളെ കായംകുളം താലൂക്ക് ആശുപത്രിയില്‍ പ്രവേശിപ്പിച്ചു. തൃക്കുന്നപ്പുഴ പൊലീസ് കേസെടുത്തു.