ഡല്‍ഹി: ജന്തര്‍ മന്തറില്‍ ചെയ്യുന്ന ഗുസ്തി താരങ്ങളും ഡല്‍ഹി പൊലീസും തമ്മില്‍ സംഘര്‍ഷം. സമരക്കാരെ പൊലീസ് മര്‍ദിച്ചു എന്ന് ആരോപിച്ചാണ് ഇരുകൂട്ടരും തമ്മില്‍ വാക്കേറ്റമുണ്ടായത്. സ്ഥലത്ത് ഇപ്പോഴും സംക്ഷര്‍ഷാവസ്ഥ തുടരുകയാണ്. ഇന്നലെ രാത്രി 11:30നാണ് സംഘര്‍ഷമുണ്ടായത്. സംഭവത്തില്‍ ഒരു ഗുസ്തി താരത്തിന്റെ തലയ്ക്ക് പരിക്കേറ്റു.
വനിതാ കായിക താരങ്ങള്‍ ഉള്‍പ്പെടെയുള്ളവരോട് പൊലീസ് വളരെ മോശമായി പെരുമാറിയെന്ന് സമരക്കാര്‍ പറഞ്ഞു. ‘ഇതിനാണൊ ഞങ്ങള്‍ രാജ്യത്തിനായി മെഡലുകള്‍ നേടിയത്? കോണ്‍സ്റ്റബില്‍ ഞങ്ങളെ നേരിടുമ്പോള്‍ വനിതാ പൊലീസുകാര്‍ എവിടെയായിരുന്നു?’- വിനേഷ് ഫോഗട്ട് കണ്ണീരോടെ ചോദിച്ചു.