സെക്രട്ടേറിയറ്റ് കാന്റിനിലെ ഇടതുജീവനക്കാരുടെ തമ്മിലടിയില്‍ 8 പേര്‍ക്കെതിരെ പൊലീസ് കേസെടുത്തു. ട്രഷറി ജീവനക്കാര്‍ക്കും കാന്റീന്‍ ജീവനക്കാര്‍ക്കുമെതിരെയാണ് കേസെടുത്തത്. തമ്മിലടിയുടെ ദൃശ്യം പകര്‍ത്താന്‍ ശ്രമിച്ചതിന് മാധ്യമ പ്രവര്‍ത്തകരെയും ഇവര്‍ ആക്രമിച്ചിരുന്നു.
രണ്ട് ട്രഷറി ജീവനക്കാര്‍ക്കും ആറ് കാന്റീന്‍ ജീവനക്കാര്‍ക്കുമെതിരെയാണ് കേസ്. സംഘം ചേര്‍ന്ന് മര്‍ദനം, അസഭ്യം പറയല്‍, തടഞ്ഞുവെയ്ക്കല്‍ എന്നിവയാണ് കുറ്റങ്ങള്‍. കാന്റീനിലെ ജഗ് എടുത്ത് മേശപ്പുറത്ത് ശക്തിയായി ഇടിച്ചതാണ് പ്രശ്‌നങ്ങളുടെ തുടക്കമെന്ന് പൊലീസ് അറിയിച്ചു. എന്നാല്‍ ഇരു വിഭാഗവും പരാതി പിന്‍വലിച്ച് പ്രശ്‌നം ഒത്തു തീര്‍ക്കുന്നതിനുള്ള അണിയറ നീക്കങ്ങളും ശക്തമായിട്ടുണ്ട്.