പ്രമുഖ സിനിമ- നാടക നടന്‍ വര്‍ഗീസ് കാട്ടിപ്പറമ്പന്‍ അന്തരിച്ചു. 88 വയസ്സായിരുന്നു. ആലപ്പുഴ മുഹമ്മ കാട്ടിപ്പറമ്പില്‍ ജോലഫിന്റെയും മറിയത്തിന്റെയും മകനാണ്. സിനിമയില്‍ പ്രസാദ് എന്നായിരുന്നു അദ്ദേഹത്തിന്റെ പേര്.
1954ല്‍ നമോദയ കലാസമിതിയുടെ നശിക്കാത്ത ഭൂമിയില്‍ നായകാനായെത്തിയാണ് അദ്ദേഹം നാടകരംഗത്തെത്തിയത്. ആ കാലഘട്ടത്തിലെ അറിയപ്പെടുന്ന നടന്‍മാരില്‍ ഒരാള്‍ തന്നെയായിരുന്നു വര്‍ഗീസ് എന്ന നടന്‍. സമഗ്ര സംഭാവനയ്ക്ക് സംസ്ഥാന സംഗീത നാടക അക്കാദമിയുടെ ഗുരുപൂജ പുരസ്‌കാരമടക്കം ബഹുമതികള്‍ പലതും ലഭിച്ചിട്ടുണ്ടെങ്കിലും അര്‍ഹിക്കുന്ന അംഗീകാരം ലഭിക്കാതെ പോയ അഭിനേതാവായിരുന്നു വര്‍ഗീസ് കാട്ടിപ്പറമ്പന്‍.
ഭാര്യ: തൃപ്പൂണിത്തുറ അമ്പലത്തിങ്കല്‍ കുടുംബാംഗം റോസമ്മ. മക്കള്‍: പരേതനായ അലന്‍ റോസ്, അനിത റോസ്, ആര്‍ളിന്‍ റോസ്, മരുമക്കള്‍: ഷാര്‍മിള ആര്‍ളിന്‍, എം.പി. വര്‍ഗീസ് (എഫ്.എ.സി.ടി. ഉദ്യോഗമണ്ഡല്‍). സംസ്‌കാരം ഇന്ന് വൈകീട്ട് 4ന് തൃപ്പൂണിത്തുറ സെയ്ന്റ് മേരീസ് ഫൊറോന പള്ളി സെമിത്തേരിയില്‍.