വെല്ലിങ്ടണ്‍: ന്യൂസിലാന്‍ഡില്‍ ഓണ്‍ലൈന്‍ ലേലത്തിലൂടെ വാങ്ങിയ സ്യൂട്‌കേസുകളില്‍ അഞ്ചും പത്തും വയസുള്ള കുട്ടികളുടെ ശരീരാവശിഷ്ടങ്ങള്‍ കണ്ടെത്തി. വര്‍ഷങ്ങളോളം സ്‌റ്റോറേജില്‍ സൂക്ഷിച്ച സ്യൂട്‌കേസുകളാണ് വീട്ടുസാമഗ്രികളെന്ന നിലയില്‍ ഓക്‌ലാന്‍ഡിലെ ഒരു കുടുംബത്തിന് ലഭിച്ചത്.
കുട്ടികള്‍ രണ്ടു പേരും പ്രൈമറി സ്‌കൂള്‍ വിദ്യാര്‍ത്ഥികളാണെന്ന് പൊലീസ് പറയുന്നു. സംഭവത്തെക്കുറിച്ച് അന്വേഷണം ആരംഭിച്ചിട്ടുണ്ട്. ഇവര്‍ മരിച്ചത് എപ്പോഴാണെന്നോ എങ്ങനെയാണെന്നോ വ്യക്തമല്ല. കുട്ടികളെ തിരിച്ചറിയാനുള്ള നടപടികള്‍ തുടരുകയാണ്. ന്യൂസിലാന്‍ഡ് പൊലീസ് ഇന്റോര്‍പോളുമായും ബന്ധപ്പെട്ടിട്ടുണ്ട്.