കോഴിക്കോട് അഴിയൂരില്‍ ഓട്ടോയില്‍ തുപ്പിയ അഞ്ച് വയസ്സുകാരന്റെ വസ്ത്രം അഴിച്ച് ഓട്ടോ തുടപ്പിച്ചതായി പരാതി. ദൃശ്യങ്ങള്‍ സാമൂഹ്യമാധ്യമങ്ങളില്‍ പ്രചരിച്ചതോടെ ബാലാവകാശ കമ്മീഷന്‍ കേസെടുത്തു. ദൃശ്യങ്ങള്‍ പുറത്തുവന്നതോടെയാണ് ഡ്രൈവറുടെ ക്രൂരത പുറത്തായത്.
സ്‌കൂളിലേക്ക് പോകും വഴി കുട്ടി വണ്ടിയില്‍നിന്ന് പുറത്തേക്ക് തുപ്പുമ്പോള്‍ തുപ്പല്‍ ദേഹത്ത് അബദ്ധത്തില്‍ വീഴുകയായിരുന്നു. തുടര്‍ന്ന് കുട്ടിയെ വണ്ടിയില്‍ നിന്ന് പിടിച്ചിറക്കി മറ്റു കുട്ടികളുടെ മുന്നില്‍ വച്ച് കുട്ടിയുടെ ഷര്‍ട്ട് അഴിപ്പിച്ച് തുപ്പല്‍ തുടപ്പിക്കുകയായിരുന്നു. കുട്ടിയുടെ മാതാവാണ് വീഡിയോ പകര്‍ത്തിയത്.