പാലക്കാട്: തൂതയിലെ ബാല വിവാഹത്തില്‍ ക്ഷേത്രം ക്ലര്‍ക്കിനെ സസ്‌പെന്‍ഡ് ചെയ്തു. വധൂവരന്മാരുടെ പ്രായം തെളിയിക്കുന്ന രേഖ സൂക്ഷിക്കാത്തതിന് രാമകൃഷ്ണനെയാണ് സസ്‌പെന്‍ഡ് ചെയ്തത്.
പാലക്കാട് ചെര്‍പ്പുളശ്ശേരിയിലാണ് ബാലവിവാഹം നടന്നത്. ചെര്‍പ്പുളശ്ശേരി സ്വദേശിയായ പതിനേഴുകാരിയെ വിവാഹം ചെയ്തതില്‍ ഭര്‍ത്താവിനും പെണ്‍കുട്ടിയുടെ മാതാപിതാക്കള്‍ക്കുമെതിരെ പൊലീസ് കേസ് എടുത്തിരുന്നു. സിഡബ്ല്യുസിയുടെ നിര്‍ദേശത്തെ തുടര്‍ന്ന് ബാലവിവാഹ നിരോധന നിയമ പ്രകാരമാണ് കേസ് എടുത്തത്.
എന്നാല്‍ സംഭവത്തിന് ശേഷം മൂന്ന് പേരും ഒളിവില്‍ പോയെന്ന് പൊലീസ് പറഞ്ഞു. കഴിഞ്ഞ ജൂണ്‍ 29 ന് തൂത ക്ഷേത്രത്തില്‍ വെച്ചായിരുന്നു ഇവരുടെ വിവാഹം. സംഭവത്തില്‍ കൂടുതല്‍ പേരെ പ്രതി ചേര്‍ക്കുമെന്ന് പൊലീസ് അറിയിച്ചു.