ദേശീയ പതാക ഉപയോഗിച്ച് കോഴിയിറച്ചി വൃത്തിയാക്കുന്ന വീഡിയോ പുറത്തുവന്നതിന് പിന്നാലെ യുവാവ് അറസ്റ്റില്‍.
കേന്ദ്രഭരണ പ്രദേശമായ ദാദ്ര ആന്‍ഡ് നാഗര്‍ഹവേലിയിലെ സില്‍വാസയിലാണ് സംഭവം. ദേശീയ പതാകയെ അവഹേളിച്ചതിനാണ് ഇയാള്‍ക്കെതിരെ കേസെടുത്തിരിക്കുന്നത്.
ഇറച്ചി കടയിലെ തൊഴിലാളിയായ ഇയാള്‍ ദേശീയ പതാക ഉപയോഗിച്ച് കോഴിയിറച്ചി തുടച്ചു വൃത്തിയാക്കുന്ന വീഡിയോ പുറത്തുവന്നിരുന്നു. സാമൂഹ്യ മാധ്യമങ്ങളില്‍ വന്‍തോതില്‍ പ്രചരിച്ചതിന് പിന്നാലെ പൊലീസ് കേസെടുത്തു അറസ്റ്റ് ചെയ്യുകയായിരുന്നു.