തിരുവനന്തപുരത്തെ കണ്ടല സഹകരണ ബാങ്ക് തട്ടിപ്പ് കേസില്‍ പ്രതിയായ സിപിഐ മുന്‍ ജില്ല കൗണ്‍സില്‍ അംഗവും മുന്‍ ബാങ്ക് പ്രസിഡന്റുമായ ഭാസുരാംഗനെ ആശുപത്രിയില്‍ പ്രവേശിപ്പിച്ചു. നെഞ്ചുവേദനയെ തുടര്‍ന്നാണ് എറണാകുളം ജനറല്‍ ആശുപത്രിയില്‍ ഭാസുരാംഗനെ പ്രവേശിപ്പിച്ചത്.
ഭാസുരാംഗന് ശാരീരിക അവശതകളുണ്ടെങ്കില്‍ ചികിത്സ ഉറപ്പാക്കണമെന്നു കോടതി നിര്‍ദേശിക്കുകയും ചെയ്തിരുന്നു. ഇന്നലെ രാവിലെ 10 മണിടോടെയാണ് എറണാകുളം ജയിലില്‍വച്ച് ഭാസുരാംഗന്റെ ആരോഗ്യനില മോശമായെന്ന് പറയുന്നത്. തുടര്‍ന്ന് നേരെ ആശുപത്രിയിലേക്ക് കൊണ്ടുപോകുകയായിരുന്നു.