ഡല്‍ഹി: ഐപിഎല്ലില്‍ ഡല്‍ഹി ക്യാപിറ്റല്‍സിന് 77 റണ്‍സിന് തോല്‍പ്പിച്ച് ചെന്നൈ സൂപ്പര്‍ കിങ്‌സ് പ്ലേഓഫില്‍. പ്ലേ ഓഫിലെത്തുന്ന രണ്ടാമത്തെ ടീമാണ് ചെന്നൈ. ഇതിന് മുന്‍പ് ഗുജറാത്ത് ടൈറ്റന്‍സും പ്ലേ ഓഫിന് യോഗ്യത നേടിയിരുന്നു.
കളിയില്‍ ആദ്യം ബാറ്റ് ചെയ്ത ചെന്നൈ 20 ഓവറില്‍ നിന്നും 3 വിക്കറ്റ് നഷ്ടത്തില്‍ 223 റണ്‍സെടുത്തു. എന്നാല്‍, ഡല്‍ഹിക്ക് 20 ഓവറില്‍ ഒമ്പത് വിക്കറ്റ് നഷ്ടത്തില്‍ 146 റണ്‍സിന് അവസാനിച്ചു. നാലോവറില്‍ 22 റണ്‍സ് വഴങ്ങി 3 വിക്കറ്റ് വീഴ്ത്തിയ ദീപക് ചാഹറും രണ്ട് വീതം വിക്കറ്റുകള്‍ വീഴ്ത്തിയ ജഡേജയും മഹീഷ പതിരനയുമാണ് ചെന്നൈയെ വിജയത്തിലെത്തിച്ചത്.