മധ്യപ്രദേശിൽ സംരക്ഷിത വനമേഖലയിൽ നിന്ന് പുറത്തുപോയ ആഫ്രിക്കയിൽ നിന്ന് എത്തിച്ച ആഷ എന്ന ചീറ്റയെ കണ്ടെത്തുന്നതിനായി നിയോഗിച്ച ഉദ്യോഗസ്ഥ സംഘത്തിന് നേരെ ആക്രമണം. പശുക്കടത്തുകാരാണെന്ന് തെറ്റിദ്ധരിച്ചാണ് ചിലർ ഉദ്യോഗസ്ഥരെ ആക്രമിച്ചത്. ഗ്രാമവാസികൾ സംഘത്തിന് നേരെ വെടിയുതിർക്കുകയും ശാരീരികമായി ആക്രമിക്കുകയും ചെയ്തുവെന്നാണ് റിപ്പോർട്ടുകൾ.കല്ലേറിൽ പരിക്കേറ്റ നാല് വനപാലകരെ ആശുപത്രിയിൽ പ്രവേശിപ്പിച്ചു. അതേസമയം നമീബിയയിൽ നിന്ന് എത്തിച്ച ചീറ്റ പ്രസവിച്ച നാല് കുഞ്ഞുങ്ങളിൽ ഒന്ന് കൂടി ചത്തു .അവശേഷിച്ച മൂന്നെണ്ണത്തിലൊന്നാണ് ചത്തത്.