ന്യൂഡല്‍ഹി: ലോകകപ്പില്‍ ഇന്നത്തെ അങ്കം അഫ്ഗാനിസ്താനും നിലവിലെ ചാമ്പ്യന്മാരായ ഇംഗ്ലണ്ടും തമ്മില്‍. ആദ്യ രണ്ട് മല്‍സരങ്ങളിലും തകര്‍ന്നവരാണ് അഫ്ഗാനികള്‍. ഇംഗ്ലണ്ടാവട്ടെ ഉദ്ഘാടന മല്‍സരത്തില്‍ ന്യുസിലന്‍ഡിന് മുന്നില്‍ അടിയറവ് പറഞ്ഞ ശേഷം രണ്ടാം മല്‍സരത്തില്‍ ബംഗ്ലാദേശിനെ കശക്കി തിരികെ വന്നിരുന്നു. സെമി ഫൈനല്‍ ബെര്‍ത്തിലേക്കുള്ള യാത്രയില്‍ ഇംഗ്ലണ്ടിന് വലിയ വിജയമാവും ഗുണം. അഫ്ഗാനാവട്ടെ ഇത് വരെ പ്രതീക്ഷ കാത്തിട്ടില്ല. സ്പിന്നര്‍മാരിലാണ് അഫ്ഗാന്‍ പ്രതീക്ഷ. ഡല്‍ഹി ട്രാക്കില്‍ റാഷിദ് ഖാനും സംഘത്തിനും ചിലതെല്ലാം ചെയ്യാനാവുമെന്ന ഭയം ഇംഗ്ലീഷ് സംഘത്തിനുണ്ട്. ജോസ് ബട്ലര്‍ ഇക്കാര്യം പറയുകയും ചെയ്തു. മല്‍സരം ഉച്ചക്ക് രണ്ട് മുതല്‍.