ചിന്നക്കനാലില്‍ ചക്കക്കൊമ്പന്റെ ആക്രമണത്തില്‍ ഒരാള്‍ക്ക് പരിക്കേറ്റു. 301 കോളനിയിലെ കുമാര്‍ എന്ന ആള്‍ക്കാണ് പരിക്കേറ്റത്. അക്രമണത്തില്‍ പരിക്കേറ്റ കുമാറിനെ ആശുപത്രിയില്‍ പ്രവേശിപ്പിച്ചിരിക്കുകയാണ്.
ഒരാഴ്ച മുന്‍പ് ചിന്നക്കനാലില്‍ വച്ച് ചക്കക്കൊമ്പനെ കാറിടിച്ചിരുന്നു. ആനയുടെ പിന്‍ഭാഗത്താണ് കാറിടിച്ചത്. ആനയുടെ പരിക്ക് സാരമുള്ളതല്ലെന്ന് വനം വകുപ്പ് അന്നുതന്നെ വ്യക്തമാക്കിയിരുന്നു. ചക്കക്കൊമ്പന്‍ സാധാരണപോലെ നടക്കുകയും ഭക്ഷണം കഴിക്കുകയും ചെയ്യുന്നുണ്ടായിരുന്നു.