എറണാകുളത്ത് വീട്ടമ്മയുടെ മാല പൊട്ടിച്ച എംബിഎക്കാരന്‍ പിടിയില്‍. കൊച്ചി മാഞ്ഞുമ്മല്‍ സ്വദേശി സോബിന്‍ സോളമനാണ് അറസ്റ്റിലായത്. ചേരാനല്ലൂരില്‍ കഴിഞ്ഞ ദിവസം വൈകുന്നേരമായിരുന്നു സംഭവം. ചേരാനെല്ലൂര്‍ ഭഗവതി ക്ഷേത്രത്തിന് സമീപത്തുവെച്ചായിരുന്നു സംഭവം. ബൈക്കില്‍ എത്തിയ ഇയാള്‍ യുവതിയുടെ മാല പൊട്ടിക്കുകയായിരുന്നു.
സുഹൃത്തിന്റെ ബൈക്കിലെത്തിയാണ് സോബിന്‍ മോഷണം നടത്തിയത്. ബൈക്ക് നമ്ബറിലും ഇയാള്‍ കൃത്രിമം കാണിച്ചിരുന്നു. മുന്‍കൂട്ടിയുള്ള പദ്ധതി പ്രകാരം ആയിരുന്നു ഇയാള്‍ സ്ഥലത്തെത്തിയത്. എന്നാല്‍ മാലപൊട്ടിക്കുന്നതിനുള്ള ആദ്യ ശ്രമം പരാജയപ്പെട്ടിരുന്നു. വീട്ടമ്മയുടെ ചെറുത്തുനില്‍പ്പില്‍ സോബിന്റെ മുഖത്ത് പരിക്കേറ്റു. മാല പൊട്ടിച്ച് ശേഷം ഇയാള്‍ നേരെ ബാങ്കിലെത്തി പണയം വെക്കുകയായിരുന്നു.