കേന്ദ്രസര്‍ക്കാരിനും ആര്‍എസ്എസിനുമെതിരെ ആഞ്ഞടിച്ച് കത്തോലിക്കാ സഭ തൃശ്ശൂര്‍ അതിരൂപതാ മുഖപത്രം കത്തോലിക്കാ സഭ എഡിറ്റോറിയല്‍. മണിപ്പൂരിലെ ക്രൈസ്തവ വിരുദ്ധ കലാപത്തിന്റെ പശ്ചാത്തലത്തിലാണ് ലേഖനം.
ക്രൈസ്തവരെയും ദേവാലയങ്ങളെയും തിരഞ്ഞുപിടിച്ച് ആക്രമിച്ച കലാപത്തിന് അനുകൂലമായി സര്‍ക്കാര്‍ നിലപാട് സ്വീകരിച്ചത് പ്രശ്‌നമാകസ്മികമായിരുന്നില്ല എന്നുതന്നെയാണ് വെളിവാക്കുന്നതെന്ന് മുഖപ്രസംഗത്തില്‍ ചൂണ്ടിക്കാട്ടി. ഇതിന് പിന്നില്‍ ബിജെപിയുടെ ബന്ധമുണ്ടെന്നും ലേഖനത്തില്‍ ഉന്നയിക്കുന്നു. കൂടാതെ നരേന്ദ്രമോദിയുടെ മൗനത്തെയും എഡിറ്റോറിയല്‍ വിമര്‍ശിച്ചു. ഭരണഘടന അനുവദിക്കുന്ന മതസ്വാതന്ത്ര്യത്തെ കണ്ടില്ലെന്ന് നടിച്ച് ക്രൈസ്തവര്‍ക്കെതിരെ കള്ളക്കഥകള്‍ മെനയുകയാണെന്ന് ഇവര്‍ മുഖപ്രസംഗത്തില്‍ ചൂണ്ടിക്കാട്ടുന്നു.