കര്‍ണാടകയിലെ ബംഗലൂരു ഇന്ദിരാനഗര്‍ റോയല്‍ ലിവിങ്സ് അപ്പാര്‍ട്ട്മെന്റില്‍ അസം സ്വദേശിനിയെ കൊലപ്പെടുത്തിയ കേസില്‍ ഒളിവിലായിരുന്ന മലയാളി യുവാവ് പിടിയില്‍. കണ്ണൂര്‍ സ്വദേശി ആരവിനെയാണ് പൊലീസ് പിടികൂടിയത്. ഉത്തരേന്ത്യയില്‍ നിന്നാണ് പൊലീസ് ഇയാളെ കസ്റ്റഡിയിലെടുത്തത്.
കൊലപാതകത്തിന് ശേഷം രാവിലെ 8.25 ഓടെ കാര്‍ വിളിച്ച് മെജസ്റ്റിക് റെയില്‍വേ സ്റ്റേഷനിലേക്ക് പോകുന്നതിന്റെ സിസിടിവി ദൃശ്യങ്ങള്‍ പുറത്തു വന്നിരുന്നു. ആ സമയം സ്റ്റേഷനില്‍ നിന്നും ഉത്തരേന്ത്യയിലേക്ക് മാത്രമായിരുന്നു ട്രെയിനുകള്‍ ഉണ്ടായിരുന്നത്. ഇതു പ്രകാരം അന്വേഷണം പ്രതിയിലേക്കെത്താന്‍ എളുപ്പമാവുകയായിരുന്നു.
പ്രതിയെ ഇന്നു തന്നെ ബംഗലൂരുവിലെത്തിക്കുമെന്ന് പൊലീസ് അരിയിച്ചു. ഈ മാസം 26 നാണ് അപ്പാര്‍ട്ട്മെന്റിലെ മുറിയില്‍ അസം സ്വദേശി മായ ഗൊഗോയിയുടെ മൃതദേഹം കണ്ടെത്തിയത്. 23 ന് ഇരുവരും മുറിയെടുത്തിരുന്നു. കൊല്ലപ്പെട്ട മായ ഗൊഗോയി വ്ലോഗര്‍ കൂടിയാണ്.