മുസ്‌ലിംലീഗ് സംസ്ഥാന കമ്മിറ്റി സംഘടിപ്പിച്ച വഖഫ് സംരക്ഷണ റാലിയിൽ അണിചേർന്ന പ്രവർത്തകർക്കെതിരെ വിവേചനപരമായി കേസെടുത്ത സർക്കാർ നടപടിയിൽ വ്യാപക പ്രതിഷേധം.
യൂത്ത് ലീഗ് സംസ്ഥാന കമ്മിറ്റി ആഹ്വാനപ്രകാരം ശാഖതലങ്ങളിൽ പ്രതിഷേധ പ്രകടനങ്ങൾ നടന്നു. സി.പി.എമ്മിന്റെ ജില്ലാ സമ്മേളനങ്ങൾ നാടാകെ നടന്നുവരികയാണ്. ബി.ജെ.പിയുടെ സമ്മേളനങ്ങൾക്കും ആൾക്കൂട്ടമുണ്ട്. ഇവിടെയൊന്നും കേസുമായി വരാത്ത പോലീസാണ് ലീഗ് റാലിയെ മാത്രം ലക്ഷ്യം വെച്ചത്.
തലശ്ശേരിയിൽ മതവിദ്വേഷ പ്രകടനം നടത്തിയവരുടെ പേരിൽ കേസ് എടുക്കാൻ പരാതി കൊടുക്കേണ്ടി വന്നു. കോഴിക്കോട് നഗരത്തിൽ നടത്തിയ പ്രതിഷേധ പ്രകടനത്തിൽ മുസ്ലിം യൂത്ത് ലീഗ് ജില്ലാ, മണ്ഡലം ഭാരവാഹികൾ നേതൃത്വം നൽകി. എം.എസ്.എഫ് പ്രവർത്തകരും വിവിധ ഭാഗങ്ങളിൽ പ്രതിഷേധ പരിപാടികൾ സംഘടിപ്പിച്ചു. മുവാറ്റുപുഴ നഗരത്തിൽ നടത്തിയ പ്രതിഷേധ പ്രകടനം ലത്തീഫ് തുറയൂർ ഉദ്ഘാടനം ചെയ്തു. സംസ്ഥാന, ജില്ലാ ഭാരവാഹികൾ നേതൃത്വം നൽകി.
- 3 years ago
Test User