പ്രതിപക്ഷ നേതാവ് രാഹുല്‍ ഗാന്ധിക്കെതിരെ ഭീഷണി മുഴക്കിയ സംഭവത്തില്‍ ഷിന്‍ഡെ വിഭാഗം ശിവസേനാ എംഎല്‍എക്കെതിരെ കേസ്. സഞ്ജയ് ഗെയ്ക് വാദാനിനെതിരെയാണ് ബുല്‍ദാന പൊലീസ് കേസെടുത്തത്.
രാഹുല്‍ ഗാന്ധിയുടെ നാവ് അരിയുന്നവര്‍ക്ക് 11 ലക്ഷം രൂപ നല്‍കുമെന്നായിരുന്നു എംഎല്‍എയുടെ വിദ്വേഷ പരാമര്‍ശം.
രാജ്യത്തെ സംവരണത്തെ കുറിച്ച് രാഹുല്‍ ഗാന്ധി അമേരിക്കയില്‍ നടത്തിയ പ്രസ്താവന ചൂണ്ടുക്കാട്ടിയാണ് ശിവസേന എംഎല്‍എ രംഗത്തെത്തിയത്. മഹാരാഷ്ട്രയിലും രാജ്യം മുഴുവനും സംവരണം ആവശ്യപ്പെടുമ്പോഴാണ് രാഹുല്‍ ഗാന്ധി സംവരണം തന്നെ അവസാനിപ്പിക്കുമെന്ന് പറയുന്നതെന്നായിരുന്നു സഞ്ജയ് ഗെയ്ക് വാദിന്റെ ആരോപണം.