മുംബൈ: മഹാരാഷ്ട്രയുടെ തലസ്ഥാന നഗരമായ മുംബൈയില്‍ രണ്ട് ദിവസമായി തുടരുന്ന കനത്ത മഴയില്‍ മരിച്ചവരുടെ എണ്ണം അഞ്ചായി. കനത്ത മഴ മഹാനഗരത്തില്‍ വന്‍ കെടുതികള്‍ വരുത്തിയതായാണ് റിപ്പോര്‍ട്ടുകള്‍. നഗര സമീപത്തെ വഡാല ഈസ്റ്റില്‍ ലോയഡ് എസ്‌റ്റേറ്റില്‍ നിര്‍മാണത്തിലിരുന്ന കെട്ടിട ഭിത്തി ഇടിഞ്ഞ് വീണു. ആളപായം ഒന്നുമില്ലാത്തതിനാല്‍ വന്‍ അപകടമാണ് ഒഴിവായത്. അതേസമയം കെട്ടിടത്തിന്റെ താഴെ നിര്‍ത്തിയിട്ടിരുന്ന 15 കാറുകള്‍ തകര്‍ന്നു. ചുറ്റുമതിലാണ് ഇടിഞ്ഞു വീണത്.