കലക്ടര്‍ എന്‍ എസ് ഉമേഷിന്റെ ഔദ്യോഗിക കാറിന്റെ വഴി മുടക്കി കാര്‍ നിര്‍ത്തിയതിന് ഡ്രൈവറുടെ ലൈസന്‍സ് സസ്‌പെന്‍ഡ് ചെയ്തു. സംഭവത്തില്‍ പടമുകള്‍ സ്വദേശി മുഹമ്മദ് റമീസിന്റെ ഡ്രൈവിംഗ് ലൈസന്‍സാണ് 6 മാസത്തേക്ക് സസ്‌പെന്‍ഡ് ചെയ്തത്.
യുവാവ് വാഹനം ഓടിച്ചത് അമിത വേഗത്തിലും തെറ്റായ ദിശയിലുമാണെന്ന് കണ്ടെത്തിയതിനെ തുടര്‍ന്നാണ് നടപടി. കഴിഞ്ഞ വ്യാഴാഴ്ച രാവിലെ 11 മണിക്ക് കലക്ടറേറ്റ് സിഗ്നല്‍ ജംഗ്ഷനില്‍ വച്ചാണ് സംഭവം. കലക്ടേറേറ്റില്‍ നിന്ന് അറിയിച്ചതനിസരിച്ച് ആര്‍ടിഒ ജി. അനന്തകൃഷ്ണന്‍ നോട്ടീസ് നല്‍കി റമീസിനെ വിളിച്ചുവരുത്തി. കുറ്റം സമ്മതിച്ച് മാപ്പപേക്ഷ നല്‍കിയതിനാല്‍ ലൈസന്‍സിന്റെ സസ്‌പെന്‍ഷന്‍ കാലാവധി കുറച്ചു.