തിരുവനന്തപുരം പോത്തന്‍കോട് വീട്ടില്‍ ടെറസിനു മുകളില്‍ വളര്‍ത്തിയ കഞ്ചാവ് ചെടികള്‍ പിടികൂടി. ഇതരസംസ്ഥാന തൊഴിലാളികള്‍ താമസിക്കുന്ന വീട്ടിലാണ് കഞ്ചാവ് ചെടികള്‍ കണ്ടെത്തിയത്. പൊലീസെത്തി കഞ്ചാവ് ചെടികള്‍ സ്റ്റേഷനിലേക്ക് മാറ്റി.
വാടകക്ക് താമസിച്ചിരുന്ന വീടിന്റെ ടെറസിലാണ് വാട്ടര്‍ ടാങ്കിന് പുറകിലായി കഞ്ചാവ് ചെടികള്‍ ഒളിപ്പിച്ചുവളര്‍ത്തിയത്. സമീപവാസികള്‍ നല്‍കിയ മറ്റൊരു പരാതി സംബന്ധിച്ച് നടത്തിയ പരിശോധനയിലാണ് പൊലീസ് കഞ്ചാവ് ചെടികള്‍ കണ്ടെത്തിയത്.
ഇതേ വീട്ടില്‍ സെപ്റ്റിക് ടാങ്ക് മാലിന്യം പൊട്ടിയൊലിച്ച് ദുര്‍ഗന്ധം വമിക്കുന്നെന്ന് അയല്‍വാസി പഞ്ചായത്തില്‍ പരാതി നല്‍കിയിരുന്നു. തുടര്‍ന്ന് പരിശോധനക്ക് എത്തിയ പഞ്ചായത്ത് ജീവനക്കാരാണ് കഞ്ചാവ് ചെടികള്‍ കണ്ടെത്തിയത്. തുടര്‍ന്ന് പൊലീസിനെ വിവരം അറിയിക്കുകയായിരുന്നു. സ്ഥലത്തെത്തിയ പൊലീസ് ചാക്കില്‍ കഞ്ചാവ് ചെടി തതന്നെയാണെന്ന് സ്ഥിരീകരിച്ചു.
എന്നാല്‍ ആരാണ് ഇത് നട്ടുവളര്‍ത്തിയതെന്ന് വ്യക്തത വന്നിട്ടില്ല.