സ്വകാര്യ ബസ് ഡ്രൈവറുടെ അശ്രദ്ധ കാരണം വഴിയാത്രക്കാരന് ജീവന്‍ നഷ്ടമായി. തിരുവാങ്ങാട് സ്വദേശി ജയരാജ് എംജി(63) ആണ് മരിച്ചത്. ജയരാജിന്റെ ദേഹത്തുകൂടി ബസ് കയറിയിറങ്ങുകയായിരുന്നു എന്ന് പൊലീസ് പറയുന്നു.
ഇന്ന് രാവിലെ തലശ്ശേരിയിലാണ് സംഭവം. തലശ്ശേരി പുതിയ ബസ് സ്റ്റാന്‍ഡില്‍ നിന്ന് ബസ് കയറാന്‍ എത്തിയതായിരുന്നു ജയരാജ്. അമിത വേഗതയിലെത്തിയ സ്വകാര്യ ബസ് ഇടിക്കുകയായിരുന്നു. തുടര്‍ന്ന് ബസ് ദേഹത്തുകൂടി കയറിയിറങ്ങുകയായിരുന്നു.
നാട്ടുകാരും പൊലീസും ചേര്‍ന്ന് ബസ് തടഞ്ഞുവെച്ചു. തുടര്‍ന്ന് ബസ് ഡ്രൈവര്‍ ഇരിട്ടി സ്വദേശി നൗഫലിനെ പൊലീസ് കസ്റ്റഡിയിലെടുക്കുകയും ചെയ്തു. തത്ക്ഷണം തന്നെ ജയരാജ് മരിച്ചിരുന്നു.