ന്യൂഡല്‍ഹി: ഗുജറാത്തിലെ നദിയാദില്‍ ബിഎസ്എഫ് ജവാനെ ആള്‍ക്കൂട്ടം തല്ലിക്കൊന്നു. മകളുടെ അശ്ലീല വീഡിയോ പ്രചരിപ്പിച്ചത് ചോദ്യം ചെയ്ത മെല്‍ജിഭായ് വഘേല എന്നയാളെയാണ് ആള്‍ക്കൂട്ടം മര്‍ദിച്ചു കൊലപ്പെടുത്തിയത്.
ഇദ്ദേഹത്തിന്റെ മകള്‍ പഠിച്ചിരുന്ന സ്‌കൂളിലെ തന്നെ വിദ്യാര്‍ത്ഥിയായ 15കാരണാണ് വിഡിയോ ഓണ്‍ലൈനില്‍ പ്രചരിപ്പിച്ചത്. ഇത് ചോദ്യം ചെയ്യാനായി പതിനഞ്ചുകാരന്റെ വീട്ടിലെത്തിയതായിരുന്നു ജവാന്‍.
15കാരന്റെ ബന്ധുക്കളാണ് ജവാനെ മര്‍ദിച്ചത്. സംഭവത്തില്‍ പൊലീസ് കേസെടുത്തു. വിഡിയോ പ്രചരിപ്പിച്ചത് ചോദ്യം ചെയ്യാനായി സൈനികനും കുടുംബവും 15കാരന്റെ വീട്ടിലെത്തിയിരുന്നെന്ന് ബിഎസ്എഫും സ്ഥിരീകരിച്ചു.