ക്കൈകൂലി വാങ്ങുന്നതിനിടെ അസി. എന്‍ജിനീയര്‍ പിടിയില്‍. മാഞ്ഞൂര്‍ പഞ്ചായത്തിലെ അസി. എഞ്ചിനിയര്‍ ഇ.ടി അജിത് കുമാറാണ് വിജിലന്‍സ് പിടിയിലായത്. ഇയാള്‍ കൈക്കൂലിയായി പ്രവാസിയില്‍ നിന്നും 20000 രൂപയും ഒരു കുപ്പി സ്‌കോച്ചും വാങ്ങുന്നതിനിടയിലാണ് പിടിയിലായത്.
യുകെയില്‍ നിന്നും നാട്ടിലെത്തിയ പ്രവാസി പഞ്ചായത്തില്‍ ഒരു വ്യവസായം തുടങ്ങണമെന്ന് അറിയിച്ചതിനെ തുടര്‍ന്ന് ഇയാളില്‍ല നിന്നും കൈക്കൂലി ആവശ്യപ്പെടുകയായിരുന്നു അജിത്. ഇതേ തുടര്‍ന്ന് വ്യവസായി ഇക്കാര്യം വിജിലന്‍സിനെ അറിയിക്കുകയായിരുന്നു.
വിജിലന്‍സിന്റെ നിര്‍ദേശപ്രകാരം 20000 രൂപയും സ്‌കോച്ചുമായി പ്രവാസി പഞ്ചായത്തില്‍ എത്തി. തുടര്‍ന്ന് ഇത് എഞ്ചിനിയര്‍ക്ക് നല്‍കി. മദ്യം വൈകീട്ട് ഓഫീസ് വിട്ട് വീട്ടിലേക്ക് പോകുമ്പോള്‍ തന്നാല്‍ മതിയെന്ന് പറഞ്ഞ് തിരിച്ചുകൊടുത്തു. പ്രവാസി ഓഫീസില്‍ നിന്നും ഇറങ്ങിയതിന് പിന്നാലെ കോട്ടയത്ത് നിന്നുള്ള വിജിലന്‍സ് സംഘം അജിത് കുമാറിനെ പിടികൂടുകയായിരുന്നു. അറസ്റ്റ് രേഖപ്പെടുത്തി വിജിലന്‍സ് തുടര്‍നടപടികള്‍ സ്വീകരിച്ചു.