ബ്രഹ്മപുരം മാലിന്യപ്ലാന്റിൽ നിന്നുള്ള പുക കൂടുതൽ സ്ഥലങ്ങളിലേക്ക് വ്യാപിക്കുന്ന പശ്ചാത്തലത്തിൽ ആരോഗ്യ പ്രശ്നങ്ങൾ ചർച്ചചെയ്യാൻ ആരോഗ്യമന്ത്രി വീണ ജോർജ്ജിന്റെ നേതൃത്വത്തിൽ അടിയന്തിര യോഗം വിളിച്ചു. പാലാരിവട്ടം, കലൂർ ,മരട് , കുമ്പളം ഭാഗത്തേക്കും വിഷപ്പുക വ്യാപിച്ചിട്ടുണ്ട്. കൊച്ചി നഗരത്തിലെ വായുമലിനീകരണത്തിന്റെ തോത് ഇപ്പോൾ കൂടിയ നിലയിലാണ്. തീയണക്കാനുള്ള ശ്രമങ്ങൾ ഊർജ്ജിതമാണെന്നു അധികൃതർ പറഞ്ഞു. പത്തോളം അഗ്നിരക്ഷാ സേനകള്‍ തീ അണക്കാനുള്ള ശ്രമം തുടരുകയാണെന്നും . 80 ശതമാനത്തോളം തീ നിയന്ത്രണവിധേയമാക്കിയതായും അഗ്നിരക്ഷാ സേന ഉദ്യോഗസ്ഥര്‍ അറിയിച്ചു.ബ്രഹപുരത്തും സമീപ പ്രദേശങ്ങളിലും ഉള്ളവർ വീടുകളിൽ തന്നെ കഴിയണമെന്ന് ജില്ലാ ഭരണകൂടം നിർദേശം നൽകിയിട്ടുണ്ട്.