ബ്രിട്ടീഷ് ഭരണ സിരാകേന്ദ്രമായ ഡൗണിങ് സ്ട്രീറ്റില്‍ കോവിഡ്കാല നിയന്ത്രണങ്ങള്‍ ലംഘിച്ച് നടത്തിയ പാര്‍ട്ടികള്‍ക്ക് കുറ്റസമ്മതം നടത്തി പ്രധാനമന്ത്രി ബോറിസ് ജോണ്‍സണ്‍. പ്രമുഖരെല്ലാവരുടെയും സാന്നിധ്യത്തിലായിരുന്നു പാര്‍ട്ടികളെന്നും തന്റെ നിരീക്ഷണത്തിലിരിക്കെ നടന്ന എല്ലാറ്റിനും ഉത്തരവാദിത്തമേല്‍ക്കുന്നുവെന്നും അദ്ദേഹം പറഞ്ഞു.
2020-21 കാലത്ത് നടന്ന പാര്‍ട്ടികള്‍ സംബന്ധിച്ച് അന്തിമ റിപ്പോര്‍ട്ട് പുറത്തുവന്നതിനുപിന്നാലെയാണ് കുറ്റസമ്മതം. ജോണ്‍സണ്‍ ഉള്‍പ്പെടെ പ്രമുഖര്‍ക്ക് പങ്കുണ്ടെന്ന് റിപ്പോര്‍ട്ട് കുറ്റപ്പെടുത്തിയിരുന്നു.