റോഡ് വീതി കൂട്ടി നവീകരണം നടത്തി അധികൃതര്‍ പോയി. എന്നാല്‍ യാത്രക്കാര്‍ക്ക് ഭീഷണിയായി പൊതുടാപ്പ് മാറ്റി സ്ഥാപിക്കാതെ ഇപ്പോഴും പഴയ അവസ്ഥയില്‍ തന്നെ കിടക്കുകയാണ്. പൊതുമരാമത്ത് വകുപ്പിന്റെ 2 കോടി രൂപ ചിലവിട്ടാണ് അടുത്തിടെ റോഡ് ഉയര്‍ത്തിയതും വീതി കൂട്ടുകയും ചെയ്തത്.
തച്ചോട്ടുകാവ്-മങ്കാട്ടുകടവ് റോഡില്‍ പുതുവീട്ടുമേലെ ജംഗ്ഷനു സമീപം കൊടുംവളവിലാണ് പൊതുടാപ്പ് യാത്രക്കാര്‍ക്ക് അപകട ഭീഷണിയായി നില്‍ക്കുന്നത്. റോഡിന്റെ ഇരുവശവും കോണ്‍ക്രീറ്റും ചെയ്തു. ഇതോടെ റോഡിനോട് ചേര്‍ന്ന് പതുകിയിലധികം താഴ്ന്ന അവസ്ഥയായി ടാപ്പ്.