ബംഗാള്‍: മുര്‍ഷിദാബാദിലെ ഖയാര്‍ത്തലയില്‍ അനധികൃതമായ നടന്ന ബോംബ് നിര്‍മാണത്തിനിടെ സ്ഫോടനമുണ്ടായി മൂന്നു പേര്‍ കൊല്ലപ്പെട്ടു. മാമുന്‍ മൊല്ല, സക്കീറുള്‍ സര്‍ക്കാര്‍, മുസ്താഖിന്‍ ഷെയ്ഖ് എന്നിവരാണ് മരിച്ചത്. ഇന്നലെ രാത്രിയോടെയാണ് സ്‌ഫോടനം ഉണ്ടായത്.ബോംബ് നിര്‍മ്മാണത്തിനിടെ സ്‌ഫോടനം ഉണ്ടായതെന്നാണ് പ്രാഥമിക നിഗമനം.
കൊല്ലപ്പെട്ട മാമുന്‍ മൊല്ലയുടെ വീട്ടിലാണ് സ്ഫോടകവസ്തുക്കള്‍ നിര്‍മിച്ചത്. സംഭവത്തില്‍ വീടിന്റെ മേല്‍ക്കൂര തകര്‍ന്നു.സ്‌ഫോടനം നടന്നപ്പോള്‍ വലിയ ശബ്ദം കേട്ടെങ്കിലും യഥാര്‍ത്ഥത്തില്‍ എന്താണ് സംഭവിച്ചതെന്ന് അറിയില്ലായിരുന്നുവെന്ന് മാമുന്‍ മൊല്ലയുടെ അയല്‍ക്കാര്‍ പറഞ്ഞു.പ്രദേശത്ത് ഇപ്പോള്‍ പൊലീസ് തമ്പടിച്ചിട്ടുണ്ട്. സംഭവത്തില്‍ അന്വേഷണം ശക്തമാക്കിയതായി അധികൃതര്‍ അറിയിച്ചു.