മുംബൈ: ബോളിവുഡ് നിര്‍മാതാവ് ഫിറോസ് നാദിയാവാലയുടെ ഭാര്യ ഷബാന സയീദിനെ നാര്‍ക്കോട്ടിക്‌സ് കണ്‍ട്രോള്‍ ബ്യൂറോ (എന്‍സിബി) അറസ്റ്റുചെയ്തു. മുംബൈയിലെ വീട്ടില്‍ നടത്തിയ റെയ്ഡിനിടെ പത്ത് ഗ്രാം കഞ്ചാവ് കണ്ടെത്തിയതിനെ തുടര്‍ന്നാണിത്.
വിവിധ കേന്ദ്രങ്ങളില്‍ എന്‍സിബി നടത്തിയ റെയ്ഡില്‍ മയക്കുമരുന്ന് വിതരണക്കാരടക്കം നിരവധി പേര്‍ അറസ്റ്റിലായിട്ടുണ്ടെന്ന് ദേശീയ മാധ്യമങ്ങള്‍ റിപ്പോര്‍ട്ടുചെയ്തു. ബോളിവുഡ് നിര്‍മാതാവിന്റെ ഭാര്യ അറസ്റ്റിലായ വിവരം എന്‍സിബി സോണല്‍ ഡയറക്ടര്‍ സമീര്‍ വാങ്കഡെ സ്ഥിരീകരിച്ചിട്ടുണ്ട്. നിരവധി ബോളിവുഡ് സിനിമകളുടെ നിര്‍മാതാവാണ് ഫിറോസ് നാദിയാവാല. അദ്ദേഹത്തിനും എന്‍സിബി സമന്‍സ് അയച്ചിട്ടുണ്ട്.
അതിനിടെ നടി ദീപിക പദുക്കോണിന്റെ മാനേജര്‍ കരിഷ്മ പ്രകാശിന് നാര്‍ക്കോട്ടികസ് കണ്‍ട്രോള്‍ ബ്യൂറോ സമന്‍സ് അയച്ചിട്ടുണ്ട്. ചൊവ്വാഴ്ച ചോദ്യംചെയ്യലിന് ഹാജരാകാനാണ് നിര്‍ദ്ദേശം.