സിനിമയില്‍ വ്യത്യസ്ഥ വേഷങ്ങളില്‍ പ്രത്യക്ഷപ്പെടുന്നവരാണ് താരങ്ങള്‍. ഡോക്ടറായും ശാസ്ത്രജ്ഞനായും അഭിനയിച്ചു അരങ്ങുവാഴുമ്പോഴും യഥാര്‍ത്ഥ ജീവിതത്തിലെ അവരുടെയൊന്നും വിദ്യാഭ്യാസ യോഗ്യത വിശ്വസിക്കാന്‍ കഴിയാത്തതായിരിക്കും. ചില പ്രശസ്ത ബോളിവുഡ് താരങ്ങളുടെ വിദ്യാഭ്യാസ യോഗ്യതകളാണ് താഴെയുള്ളത്.
ആമിര്‍ഖാന്‍-മിസ്റ്റര്‍ പെര്‍ഫക്ഷനിസ്റ്റ് എന്നറിയപ്പെടുന്ന ആമിര്‍ഖാന്റെ വിദ്യാഭ്യാസ യോഗ്യത വെറും സ്‌കൂള്‍ പഠനം മാത്രമാണ്. സ്‌കൂള്‍ വിദ്യാഭ്യാസത്തിന് ശേഷം ആമിര്‍ സിനിമാമേഖലയിലേക്ക് കടന്നുവരികയായിരുന്നു. ബോളിവുഡ് താരം സെയ്ഫുലിഖാന്റെ ഭാര്യയായ കരീന കപൂര്‍ ലോ കോളേജില്‍ ഒരു വര്‍ഷമേ പഠിച്ചിട്ടുള്ളൂ. പിന്നീട് പഠനം ഉപേക്ഷിച്ച് സിനിമയിലേക്കെത്തി. ഹാര്‍വാര്‍ഡ് സര്‍വ്വകലാശാലയില്‍ നിന്നും മൈക്രോ കംപ്യൂട്ടേഴ്‌സ് കോഴ്‌സ് പൂര്‍ത്തിയാക്കിയിട്ടുണ്ട് കരീന.
പ്ലസ്ടു പാതിവഴിയില്‍ ഉപേക്ഷിച്ചാണ് ദീപിക പദുക്കോണിന്റെ പ്രവേശനം. ബാംഗളൂരുവിലെ മൗണ്ട് കാര്‍മല്‍ കോളേജില്‍ നിന്നു പ്ലസ്ടു പഠനം പൂര്‍ത്തിയാക്കാതെ ദീപിക മോഡലിങ് രംഗത്തേക്ക് കടക്കുകയായിരുന്നു. ബിസിനസ് അഡ്മിനിസ്‌ട്രേഷന്‍,ഫിനാന്‍സ്,ഇക്കണോമിക്‌സ് എന്നീ ബിരുദങ്ങളുള്ള നടിയാണ് പരിണീതി ചോപ്ര. മാഞ്ചസ്റ്റര്‍ ബിസിനസ് സ്‌കൂളിലായിരുന്നു പഠനം. സ്‌കൂള്‍ വിദ്യാഭ്യാസം മാത്രമാണ് ആലിയഭട്ടിനുമുള്ളത്. സ്റ്റുഡന്റ് ഓഫ് ദ ഇയര്‍ എന്ന ചിത്രത്തിലൂടെയാണ് അഭിനയരംഗത്തേക്ക് കടന്നുവരുന്നത്.