ബംഗളൂരു: കര്‍ണാടക ശിവമൊഗയ്ക്ക് സമീപം സ്‌ഫോടകവസ്തു കയറ്റിയ ട്രക്ക് പൊട്ടിതെറിച്ച് അപകടം. എട്ട്മരണം.റയില്‍വെ ക്രഷര്‍ യൂണിറ്റിലേക്ക് വന്ന ട്രക്കാണ് അപകടത്തില്‍പ്പെട്ടത്. ഇന്നലെ രാത്രി പത്തരയോടെയാണ് സംഭവം.
ബിഹാറില്‍ നിന്നുള്ള തൊഴിലാളികളാണ് അപകടത്തില്‍ മരണപ്പെട്ടത്. സമീപ ജില്ലയായ ചിക്കമംഗളൂരുവിലുള്‍പ്പെടെ വന്‍ സ്‌ഫോടന ശബ്ദം കേട്ടതായി പ്രദേശവാസികള്‍ പറഞ്ഞു.
15കിമീ ചുറ്റളവില്‍വരെ കെട്ടിടങ്ങള്‍ക്ക് നാശനഷ്ടമുണ്ടായി. ഭൂചലനമെന്ന ഭീതിയില്‍ വീട്ടില്‍നിന്ന് ആളുകള്‍ പുറത്തേക്കിറങ്ങി ഓടുകയായിരുന്നു.