മലപ്പുറം: സംസ്ഥാനത്ത് ബ്ലാക് ഫംഗസ് മരണം റിപ്പോര്‍ട്ട് ചെയ്തു. കോഴിക്കോട് മെഡിക്കല്‍ കോളജില്‍ ചികിത്സയിലായിരുന്ന മലപ്പുറം വളാഞ്ചേരി സ്വദേശി അഹമ്മദ് കുട്ടി ആണ് മരിച്ചത്. 75 വയസായിരുന്നു. ഇന്നലെ വൈകീട്ടായിരുന്നു മരണം.
ഈ മാസം 16ന് അദ്ദേഹം കോവിഡ് നെഗറ്റീവായിരുന്നു. ഇതിന് പിന്നാലെ ബ്ലാക്ക് ഫംഗസ് രോഗം സ്ഥിരീകരിക്കുകയും കോഴിക്കോട് മെഡിക്കല്‍ കോളജില്‍ പ്രവേശിപ്പിക്കുകയും ചെയ്തിരുന്നു. ഇതുവരെ കോഴിക്കോട് മെഡിക്കല്‍ കോളജില്‍ 52 വ്യക്തികളാണ് ബ്ലാക്ക് ഫംഗസ് ബാധയേറ്റ് ചികിത്സ തേടിയത്.
എറണാകുളം ഉദയംപേരൂര്‍ സ്വദേശിയായ വീട്ടമ്മക്ക് ഇന്നലെ ബ്ലാക് ഫംഗസ് റിപ്പോര്‍ട്ട് ചെയ്തിരുന്നു.