നൂറ് ഹിന്ദു പെണ്‍കുട്ടികള്‍ക്കൊപ്പം ദ കേരള സ്റ്റോറി സിനിമ കണ്ട് ബി.ജെ.പി നേതാവ്. ഉത്തര്‍പ്രദേശിലെ ബി.ജെ.പി സെക്രട്ടറി അഭിജിത് മിശ്രയാണ് നവയുഗ് കന്യ പിജി കോളേജിലെ വിദ്യാര്‍ഥിനികള്‍ക്കൊപ്പം സിനിമ കണ്ടത്. ലൗ ജിഹാദില്‍ നിന്ന് പെണ്‍കുട്ടികളെ രക്ഷിക്കാന്‍ കേരള സ്റ്റോറി നിര്‍ബന്ധമായും കാണുക എന്ന് അദ്ദേഹം സിനിമ കണ്ടതിനു ശേഷം ട്വീറ്റ് ചെയ്തു.
വിദ്യാര്‍ഥിനികളെ സിനിമ കാണിക്കാനുള്ള തീരുമാനത്തെക്കുറിച്ചുള്ള മാധ്യമങ്ങളുടെ ചോദ്യത്തിന് ലൗ ജിഹാദ് പ്രണയത്തെ അപമാനിക്കുന്നതാണെന്ന് മിശ്ര പറഞ്ഞു. അവര്‍ നമ്മുടെ കുട്ടികളെ രാജ്യവിരുദ്ധരാക്കുന്നുവെന്ന് അദ്ദേഹം കൂട്ടിചേര്‍ത്തു.