മുസ്ലിം കടകള്‍ ആദ്യം അടപ്പിക്കൂവെന്ന് പൊലീസിനോട് ബി.ജെ.പി നേതാവ്. ഇന്നലെ മെഹ്ദിപട്ടണത്ത് ഗുഡിമല്‍കാപൂരില്‍ രാത്രി 11 മണിയോടെ കടകള്‍ അടക്കാന്‍ നിര്‍ദേശം നല്‍കിയ പൊലീസുമായി ആദ്യം മുസ്ലിം കടകള്‍ അടപ്പിക്കൂവെന്ന് പറഞ്ഞ് ബി.ജെ.പി നേതാവ് അമര്‍ സിങ് വാഗ്വാദം തുടങ്ങുകയായിരുന്നു.
രാത്രി ഡ്യൂട്ടിയിലായിരുന്ന ആസിഫ്‌നഗര്‍ എ.സി.പി കിഷന്‍ കുമാര്‍ കടകള്‍ അടക്കാന്‍ ആവശ്യപ്പെട്ടപ്പോഴാണ് സംഭവം. തുടര്‍ന്ന് ഇയാളെ പൊലീസ് സ്റ്റേഷനിലേക്ക് കൊണ്ടു പോയി.
അതിനിടെ അമര്‍ സിങ്ങിനെ അസിസ്റ്റന്റ് കമ്മീഷണര്‍ കിഷന്‍ കുമാര്‍ മര്‍ദിച്ചെന്നാരോപിച്ച് ബി.ജെ.പി പ്രവര്‍ത്തകര്‍ ഗുഡിമല്‍കാപൂര്‍ പൊലീസ് സ്റ്റേഷനിലെത്തി പ്രതിഷേധ പ്രകടനം നടത്തി. സ്ഥലത്ത് വന്‍ പൊലീസ് സന്നാഹം നിലയുറപ്പിച്ചു. മുതിര്‍ന്ന ഉദ്യോഗസ്ഥര്‍ സ്റ്റേഷനിലെത്തി.