കാസര്‍കോട് ബിജെപി ജില്ലാ കമ്മിറ്റി ഓഫീസ് ഉപരോധിച്ച് ബിജെപി പ്രവര്‍ത്തകര്‍. പ്രവര്‍ത്തകര്‍ ഓഫീസ് താഴിട്ടു പൂട്ടി. കുമ്പള പഞ്ചായത്ത് സ്റ്റാന്‍ഡിങ് കമ്മിറ്റി തെരഞ്ഞെടുപ്പില്‍ സിപിഎം- ബിജെപി കൂട്ടുകെട്ടിനെതിരെയാണ് പ്രതിഷേധം.
സിപിഎം കൂട്ടുകെട്ടിനെതിരെ നേതൃത്വത്തിന് പരാതി നല്‍കിയെങ്കിലും നടപടി ഇല്ലെന്നും പ്രവര്‍ത്തകര്‍ ആരോപിക്കുന്നു. സംഭവത്തില്‍ കെ സുരേന്ദ്രന്‍ നേരിട്ടെത്തി ചര്‍ച്ച നടത്തണം എന്നാണ് പ്രവര്‍ത്തകരുടെ ആവശ്യം. സിപിഎം നേതാക്കളുമായി ഒത്തുകളിച്ച നേതാക്കളെ പുറത്താക്കണമെന്നും ബിജെപി പ്രവര്‍ത്തകര്‍ ആവശ്യപ്പെടുന്നുണ്ട്. സംഭവത്തില്‍ പ്രതിഷേധിച്ച് ഓഫീസിനു മുന്‍പില്‍ കുത്തിയിരിക്കുകയാണ് പ്രവര്‍ത്തകര്‍.