ന്യൂഡല്‍ഹി: ഗുജറാത്തില്‍ മുസ്ലിം വംശഹത്യക്ക് നേതൃത്വം കൊടുത്ത ആര്‍.എസ്.എസ് നേതാവ് ലോക്‌സഭാ തെരഞ്ഞെടുപ്പില്‍ ബി.ജെ.പി സ്ഥാനാര്‍ത്ഥിയായി മത്സരിക്കുന്നു. 2002 ലെ കലാപക്കേസില്‍ പ്രതിയായ മിതേഷ് പട്ടേല്‍ ആണ് ആനന്ദ് ലോക്‌സഭാ മണ്ഡലത്തില്‍ നിന്ന് ജനവിധി തേടുന്നത്. ആനന്ദ് ജില്ലയിലെ പ്രമുഖ വ്യവസായി കൂടിയായ മിതേഷ് നാമനിര്‍ദേശ പത്രികക്കൊപ്പം സമര്‍പ്പിച്ച സത്യവാങ്മൂലത്തില്‍ ഗുജറാത്ത് കലാപക്കേസില്‍ പ്രതിയാണെന്ന വിവരം ഉള്‍പ്പെടുത്തിയിട്ടുണ്ട്.
വസാത് പൊലീസ് സ്റ്റേഷനിലാണ് മിതേഷിനെതിരെ കേസ് രജിസ്റ്റർ ചെയ്തിട്ടുള്ളത്. തീവെപ്പും കലാപവുമടക്കമുള്ള കുറ്റങ്ങളാണ് ഇയാൾക്കെതിരെ ചുമത്തിയത്. അതേസമയം, ആനന്ദ് സെഷൻസ് കോടതി തന്നെ വെറുതെവിട്ടുവെന്നും കേസ് ഇപ്പോൾ ഹൈകോടതിയുടെ പരിഗണനയിലാണെന്നും മിതേഷ് പറഞ്ഞു.