ഡല്‍ഹി മുഖ്യമന്ത്രി അരവിന്ദ് കെജ്‌രിവാളിന്റെ വീടിന് മുന്നില്‍ വച്ച് ബി.ജെ.പി പ്രവര്‍ത്തകരും പൊലീസും തമ്മില്‍ ഏറ്റുമുട്ടി. അടുത്തിടെ പുറത്തിറങ്ങിയ ചിത്രമായ ‘ദ കശ്മീര്‍ ഫയല്‍സി’നെ പറ്റിയുള്ള കെജ്‌രിവാളിന്റെ പരാമര്‍ശത്തിനെതിരെയാണ് ഔദ്യോഗിക വസതിക്ക് മുന്നില്‍ വച്ച് ബി.ജെ.പി പ്രവര്‍ത്തകര്‍ പ്രതിഷേധിച്ചത്. സമരക്കാരെ പൊലീസ് അറസ്റ്റ് ചെയ്ത് നീക്കി.
പ്രതിഷേധം നടക്കുമ്പോള്‍ കെജ്‌രിവാള്‍ വീട്ടിലുണ്ടായിരുന്നില്ല. കെജ്‌രിവാള്‍ കശ്മീരി ഹിന്ദുക്കളുടെ വംശഹത്യയെ പരിഹസിക്കുകയാണെന്നാണ് ബി.ജെ.പി നേതാക്കള്‍ ഉന്നയിക്കുന്ന ആരോപണം. ബി.ജെപി പ്രവര്‍ത്തകരെ മുഖ്യമന്ത്രിയുടെ വീട്ടില്‍ എത്താന്‍ അനുവദം നല്‍കിയതിലൂടെ ഡല്‍ഹി പൊലീസ് അക്രമത്തിന് സൗകര്യമൊരുക്കുകയാണെന്ന് എഎപി നേതാക്കള്‍ ആരോപിച്ചു.