വീട്ടിലേക്ക് ഓര്‍ഡര്‍ ചെയ്ത ബിരിയാണിയില്‍ നിന്ന് വേവിക്കാത്ത കോഴിത്തല ലഭിച്ചതായി പരാതി. തിരൂര്‍ ഏഴുര്‍ സ്വദേശിനി പ്രതിഭയാണ് പരാതി നല്‍കിയത്. വീട്ടിലേക്ക് ഓര്‍ഡര്‍ ചെയത് വരുത്തിയ ബിരിയാണിയില്‍ നിന്നാണ് കോഴിത്തല കണ്ടെടുത്തത്.
നാല് ബിരിയാണിയാണ് ഓര്‍ഡര്‍ ചെയ്തത്. ഒരു പാക്കറ്റ് ബിരിയാണി തുറന്നുനോക്കിയപ്പോഴാണ് അതിനുള്ളില്‍ നിന്നാണ് കോഴിത്തല ലഭിച്ചത്. ഇത് വേവിക്കുകയോ വൃത്തിയാക്കുകയോ ചെയ്തിരുന്നില്ല. മുത്തൂരിലെ കടയില്‍ നിന്നാണ് ബിരിയാണി ഓര്‍ഡര്‍ ചെയ്തത്. തുടര്‍ന്ന് പ്രതിഭ ഭക്ഷ്യസുരക്ഷാവകുപ്പില്‍ പരാതി നല്‍കുകയായിരുന്നു.