ബംഗളൂരു: മയക്കുമരുന്ന് കേസുമായി ബന്ധപ്പെട്ട സാമ്പത്തിക ഇടപാടുകളെ തുടര്‍ന്ന് അറസ്റ്റിലായ ബിനീഷ് കോടിയേരിയുടെ കസ്റ്റഡി കാലാവധി നീട്ടി. അഞ്ച് ദിവസത്തേക്ക് കൂടിയാണ് നീട്ടിയത്. നവംബര്‍ ഏഴ് വരെ എന്‍ഫോഴ്‌സ്‌മെന്റ് ഡയറക്ടറേറ്റിന് ബിനീഷിനെ കസ്റ്റഡിയില്‍ വക്കാമെന്നാണ് കോടതി വ്യക്തമാക്കി. പത്തു ദിവസത്തേക്കായിരുന്നു ഇഡി കസ്റ്റഡിയില്‍ ആവശ്യപ്പെട്ടിരുന്നത്.
ആരോഗ്യസ്ഥിതി വഷളാണെന്ന് ബിനീഷ് കോടിയേരി മജിസ്‌ട്രേറ്റിനെ അറിയിച്ചിരുന്നു. അതേ സമയം ആരോഗ്യ സ്ഥിതി സംബന്ധിച്ച റിപ്പോര്‍ട്ട് ഇഡി കോടതിയില്‍ സമര്‍പ്പിച്ചു. ഇത് കൂടി പരിഗണിച്ചാണ് കോടതിയുടെ തീരുമാനം.
ബിനീഷ് ചോദ്യം ചെയ്യലിനോട് നിസ്സഹകരിക്കുന്നുവെന്നാണ് ഇഡി ഉയര്‍ത്തുന്ന വാദം. കഴിഞ്ഞ രണ്ട് ദിവസം ചോദ്യം ചെയ്യല്‍ നടന്നില്ലെന്നാണ് ഇഡി ഉദ്യോഗസ്ഥര്‍ പറയുന്നത്. എന്നാല്‍ ഇഡിക്കെതിരെ ബിനീഷ് കോടിയേരിയും ആരോപണം ഉന്നയിച്ചിരുന്നു. പണം ഇടപാടുമായി ബന്ധപ്പെട്ട വിവരങ്ങളും ഇഡി കോടതില്‍ നല്‍കിയിട്ടുണ്ട്. എന്നാല്‍ കടുത്ത ശാരീരിക അവശത ഉണ്ടെന്ന് ബിനീഷ് കോടിയേരി മജിസ്‌ട്രേറ്റിനെ അറിയിച്ചു.