മുംബൈയില്‍ യുവാവിന്റെ അതിസാഹസിക ബൈക്കഭ്യാസം. 24കാരനായ യുവാവ് ഒരു പെണ്‍കുട്ടിയെ മുന്നിലും മറ്റൊരു പെണ്‍കുട്ടിയെ പിറകിലുമിരുത്തി അതിസാഹസികമായ ബൈക്ക് ഓടിക്കുന്ന ദൃശ്യങ്ങളാണ് പുറത്ത് വന്നിരിക്കുന്നത്.
ബാന്ദ്ര കുര്‍ള കോംപ്ലക്‌സില്‍ നിന്നുള്ള ദൃശ്യങ്ങളാണ് സമൂഹ മാധ്യമങ്ങളില്‍ വൈറലായിരിക്കുന്നത്. അന്‍ടോപ് ഹില്ലിലും വഡാല ടിടി പൊലീസ് സ്റ്റേഷനിലും യുവാവിനെതിരെ കേസെടുത്തിട്ടുണ്ട്. തുടര്‍ന്ന് നടത്തിയ അന്വേഷണത്തില്‍ യുവാവിനെ കണ്ടെത്തി അറസ്റ്റ് രേഖപ്പെടുത്തുകയായിരുന്നു.
ഐപിസി സെക്ഷന്‍ 308 പ്രകാരവും മോട്ടോര്‍ വെഹിക്കിള്‍ ആക്ട് പ്രകാരവുമാണ് ഇയാള്‍ക്കെതിരെ കേസ് ചുമത്തിയിരിക്കുന്നത്.