കോഴിക്കോട്: കരിപ്പൂര്‍ അന്താരാഷ്ട്ര വിമാനത്താവളത്തില്‍ വന്‍ സ്വര്‍ണ കടത്ത്. ആറ് യാത്രക്കാരില്‍ നിന്നും പിടിച്ചെടുത്തത് 11,201 ഗ്രാം സ്വര്‍ണം. എയര്‍ കസ്റ്റംസ് ഇന്റലിജന്‍സാണ് സ്വര്‍ണം പിടിച്ചെടുത്തത്. അബൂദാബിയില്‍ നിന്നും സ്വര്‍ണം കടത്താന്‍ ശ്രമിച്ച കാസര്‍ഗോഡ് സ്വദേശികളെയാണ് പിടികൂടിയത്.
സ്വര്‍ണം മിശ്രിത രൂപത്തിലാക്കി ശരീരത്തിലൊളിപ്പിച്ച് കടത്താനായിരുന്നു ഇവരുടെ ശ്രമം. പിടിച്ചെടുത്ത സ്വര്‍ണം വേര്‍തിരിച്ചിട്ടില്ല. സ്വര്‍ണം കടത്താന്‍ ശ്രമിച്ച മറ്റ് യാത്രികരെയും പരിശോധനയില്‍ പിടികൂടി. കൊണ്ടോട്ടി സ്വദേശിയില്‍ നിന്ന് 855 ഗ്രാം സ്വര്‍ണ മിശ്രിതവും കോഴിക്കോട് സ്വദേശികളില്‍ നിന്ന് 41.21 ലക്ഷം രൂപ വില വരുന്ന 786 ഗ്രാം സ്വര്‍ണവുമാണ് പിടികൂടിയത്.