കര്‍ണാടകയില്‍ ബൈബിള്‍ വിതരണം ചെയ്തവര്‍ക്കുനേരെ ആള്‍ക്കൂട്ട ആക്രമണം. വിതരണത്തിനിടെ ഒരു സ്ത്രീയാണ് ആദ്യം ബഹളം വെച്ചത്. തുടര്‍ന്ന് മറ്റുള്ള ഗ്രാമീണരെത്തി ആക്രമിക്കുകയായിരുന്നുവെന്ന് ക്രിസ്തീയസംഘത്തിലെ റെബേക്ക പറഞ്ഞു. ആര്‍ക്കും നിര്‍ബന്ധിച്ച് ബൈബിള്‍ നല്‍കിയിട്ടില്ലെന്നാണ് പറയുന്നത്. സമാധാനത്തോടെ ക്രിസ്മസ് ആഘോഷിക്കാന്‍ അവസരം വേണമെന്ന് ക്രിസ്തീയസഭകള്‍ ആവശ്യപ്പെട്ടിരുന്നു. കഴിഞ്ഞദിവസം ചത്തീസ് ഗഡില്‍ ക്രിസ്തീയ പള്ളി തകര്‍ത്ത സംഭവത്തില്‍ ക്രിസ്തീയസഭകള്‍ പ്രതിഷേധിച്ചിരുന്നു. ആക്രമണങ്ങളുടെ സിസിടിവി ദൃശ്യങ്ങള്‍ പുറത്തുവന്നിട്ടുണ്ട്. മല്ലേശ്വരത്തായിരുന്നു സംഭവം